Sangguniang Panlalawigan ginhatagan na sang authority si Governor Tamayo nga maka-MOA sa itukod nga Malasakit Center sa So. Cot. Provincial Hospital.

17

Aprobado na sang mga katapo sang Sangguniang Panlalawigan sa ginpatigayon nila nga regular session kahapon nga adlaw ang ordinansa nga nagahatag sang authority kay South Cotabato Governor Reynaldo Tamayo Jr., nga magpirma sang isa ka memorandum of agreement sa Office of the President sa pagbutang sang Malasakit Center para sa mga pasyenti sang South Cotabato Provincial Hospital.
Suno kay South Cotabato Board Member Ellen Grace Subere Albios kada bulan may-yara sang P5 million nga alokasyon para sa hospital fees kag iban pa nga expenses sang pigado nga pasyenti sang balay bululngan.
Paklaro pa ni Albios nga ang mga pasyenti lamang sang South Cotabato Provincial Hospital ang makaavail sang nasambit nga assistance base sa polisiya.
Sa pirmahan nga kasugtanan ang obligasyon sang Provincial Government paagi sa Provincial Hospital amo nga pagbutang sang area para sa Malasakit Center, seguraduhon nga ang makaavail ang mga pigado, submit sa office of the President sang disbursement report quarterly kag audited report.
Ang Malasakit Center ang one-stop shop sa diin nagaopisina ang representative halin sa DOH, Philippine Charity Sweepstakes Office (PCSO), PhilHealth kag Department of Social Welfare and Development (DSWD).
Katuyuan suno pa sini nga mapadasig pa ang paghatag sang financial kag medical assistance sa mga pasyente sang balay bululngan kag paagi man suno pa sini mahatagan sang maayo, barato kag dekalidad nga healthcare ang mga pasyenti.
Samtang sa tion nga makapirmahanay sang MOA ang provincial government kag Office of the President suno kay Albios ang gilayon man suno pa nga ipatuman ang programa.
Samtang kahapon nga adlaw gin-aprobahan man sang mga katapo sang Sangguniang Panlalawigan ang ordinansa nga paghatag sang authority kay Governor Reynaldo Tamayo Jr., nga magapirma sang memoranda of agreement para sa credit line sang mga produkto kag serbisyo nga ginahatag sang mga ini may kahilabtanan sa health program sang lokal nga panggobyerno.
Ang mga ini ang ginalakipan sang mga hospitals, pharmacies, clinics, dialysis centers, funeral parlors kag iban pa nga amo ang ginapadal-an sang guarantee letter sang probinsya para sa mga ginahatag nga ayuda sa mga pumuluyo kag pasyente.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers