Liwat nga talakayon subong nga adlaw sang mga katapo sang Sangguniang Panlalawigan sa 2nd reading ang angot sa ginaduso nga ordinansa sa implementasyon sang South Cotabato COVID-19 contact tracing system matapos nga gindiffer ini sang Martes nga adlaw nila nga regular session.
Nahibaluan nga imbes talakayon sa 3rd and final reading ginmotion ni Board Member Ester Marin Catorce ang pagreconsider nga liwat nila nga talakayon sa 2nd reading ang SCCTS ordinance tungod may-yara pa sila sang luyag klaruhon partikular na kon bala himuon nga mandatory ukon boluntaryo nga ginpaboran naman sang mayorya sang mga SP members.
Ginsuhestyon sang mga ini ang mano-mano nga paglogbook kag digital logbook paagi sa CCTS card nga may QR code nga i-scan sa mga CCTS app kon magsulod sa mga establishemento kag mga government offices sa probinsya agud nga mangin mandatory sa gihapon ang himuon nga contact tracing.
Sa nasambit suno pa nga pamaagi indi madeprived ang katungod sang mga katawhan nga magtransact sa mga government offices ukon mamakal sang ila mga kinahanglanon sa mga establishemento kon indi luyag magparehistro sa SCCTS.
Dugang pa nga ikonsiderar man sa pagtuon sa SCCTS ordinance sang SP ang sitwasyon sang mga magagmay nga negosyo kapareho sang tyangge, carenderia kag iban pa.
