Ginaduso ni South Cotabato Board Member Romulo Solivio, Chairman sang Committee on Agriculture sang Sangguniang Panlalawigan ang pagpatigayon sang legislative inquiry sa masunod nila nga regular session angot sa pagbagsak sang buying price sang palay sa subong sa probinsya.
Suno kay Board Member Solivio ini tungod alarming sa subong ang pagnubo sang buying price sang palay nga nagalab-ot na lang sa P14.00 kada kilo nga suno sa iya epekto ini sang pagbaha sang imported rice rason nga indi na prayoridad sang mga negosyante nga baklon ang local rice.
May-angot sini, ipatawag nila sa masunod nga semana nga regular session ang pamunuan sang National Food Authority 12, Department of Agriculture 12 kag subong man Department of Trade and Industry.
Ginalauman suno pa nila nga ang resulta sang ipatigayon nila nga legislative inquiry ang mangin dalan agud mapalab-ot sa taglikom sang DA kag Chairperson sang Committee on Agriculture sa senado ang sitwasyon dire sa probinsya angot sa buying price sang palay.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
