Nagpasar ang Sangguniang Panlalawigan sang South Cotabato sang isa ka resolution nga hugot nga nagasuporta sa Sabayang Patak Kontra Polio sang Department of Health.
Katuyuan sang nasambit nga resolution nga ipakita ang suporta sang provincial government sang South Cotabato sa kampanya kontra polio sang DOH kag paghangkat sa mga ginikanan nga pabakunahan ang mga kabataan batok sa nasambit nga balatian.
Ang polio ang isa man sa balatian nga ginabantayan sa pungsod nga makalalaton nga mangin kabangdanan sang pagkalupog, nabudlayan magginhawa kag makapatay nga gindeklarar ang polio outbreak sa Pilipinas sang nagligad nga tuig.
May-angot sini, nagpatigayon sang nationwide polio vaccination ang DOH sa mga kabataan edad 0-59 ka bulan sa diin dire sa probinsya sang South Cotabato nagpatigayon na sang duha ka rounds kag may-yara pa sang duha ka rounds sa gihapon nga ipatigayon subong nga bulan tubtob sa Abril.
