Natalana nga desisyunan sang mga katapo sang Sangguniang Panlalawigan bwas nga adlaw sa ila ipatigayon nga session ang proposed 2020 annual budget sang Provincial Government sang South Cotabato nga nagalab-ot sa masobra P2, 268, 203,439.
Samtang suno kay South Cotabato Vice Governor Vicenti de Jesus tigayon naman nga natapos depensa sang kada opisina ang ila nga proposed budget sa masunod nga tuig.
Paklaro man sang opisyal nga ang rason nga wala pa nila naaprobahan ang 2020 annual budget tungod may pipila ka opisina nga wala nakasubmitir sang ila nga project profile/design.
Apang bwas nga adlaw suno sa iya kon wala pa nakasubmitir sang project profile ang pipila ka opisina desisyunan nila kon bala i-cut ang pondo para sa nasambit nga proyekto.
Ginhatagan punto man ni Vice Governor De Jesus nga wala sa Sangguniang Panlalawigan ang problema kon ngaa nadelatar ang pag-aproba sang 2020 annual budget sang provincial government.
Ginkumpirmar niya man nga yara na sa P9 million ang gincut nila sa proposed annual budget partikular na ang sa assistance para sa Tupi Municipal Hospital kag sa palay support fund sa masunod nga tuig sa ginpatigayon nga budget hearing sang committee of the whole.
Nahibaluan nga bwas nga adlaw ang nadesisyunan sang mga katapo sang Sangguniang Panlalawigan nga pagpatigayon sang session imbes sang Lunes nga adlaw.
