Sangguniang Panlalawigan sang South Cotabato ginpasidunggan ang Sto. Niño National High School.

Nagpasar ang Sangguniang Panlalawigan sang South Cotabato sang resolution nga nagacommend sa Sto. Niño National high school SA banwa sang Sto. Niño tungod sa Hall of Fame Award sa Search for Outstanding Barkada Kontra Droga Implementers sa Secondary Schools sa national Level.
Nangin author naman sang Resolution No. 428, Series of 2020 (titled: Commending the Sto. Niño National High School of the Municipality of Sto. Niño, Province of South Cotabato, for having been conferred the Hall of Fame Award for the Search for Outstanding Barkada Kontra Droga Implementers in Secondary Schools at the National Level) si Board Member Ma. Ester Marin Catorce, Chairperson sang Committee on Education sang Sangguniang Panlalawigan.
Nahibaluan nga ang Sto. Niño National High School (SNNHS) ang nangin three-time First Place winner sa Search for Outstanding Barkada Kontra Droga implementers sa bug-os nga pungsod sang School Year 2015-2016, 2017-2018, kag 2018-2019 rason nga nangin Hall of Fame ang eskwelahan base naman sa DepEd Memorandum No. 055, Series of 2019 implementing guidelines.
Nakadugang sa puntos sa kadalag-an sang SNNHS sa nasambit nga kompetisyon ang 11 ka mga sub-programs sini kapareho sang Drama Kontra Droga, Sayaw Kontra Droga, kag Barkadahan sa Gulayan sa Paaralan.
Ang Barkada Kontra Droga Program ang isa ka preventive education and information program para makigbatuan ang malain nga epekto sang ilegal nga droga sa mga kabataan. Ini ang bilang pagtuman sa Section 77, Article IX, sang Republic Act No. 9165 ukon Comprehensive Dangerous Drugs Act of 2002, nga ginpatuman sang Office of the President, paagi sa Dangerous Drugs Board sa bulig naman sang Department of Education kag mga local government units.

Facebook Comments