Santa Elena Barangay Kagawad Remo, finalist sa Serbisyo Awards sa Yapis uban ang laing lima ka kagawad ug unom ka kapitan

33

Iligan City – Wala damha ni Santa Elena Barangay Kagawad Nino Remo nga mapili siya isip finalist sa Serbisyo Awards 2020 ubos sa Outstanding Barangay Kagawad Category nga gidumala sa Yapis Organization.

Gikalipay ug daku ni Remo ang pagpapili kaniya isip finalist sa maong pasidungog tungod nakita man iyang pagpaningkamot sa pag-alagad sa katawhan sa iyang barangay.


Gawas ni kagawad Remo, napiling finalist usab sila si Ella Emnace, Adela Acompañado, Renerose Bado, James Mark Gonzales ug Marecel Llanes.

Unom ka barangay usab ang finalist nga gilangkuban sa brgy Pugaan, Acmac, Poblacion, San Miguel, Villa Verde ug brgy Palao.

Adunay paaboton nga ganti ang mamahimong outstanding barangay captain ug outstanding barangay kagawad.
Gawas sa barangay category adunay school ug youth category.
Gihimo na ang final screening ug interview sa maong kalihukan kun asa ideklara ang mga mananaug sa dili pa ang adlaw sa Iligan karong bulan sa hunyo.

Kaabag niini nga kalihukan ang Dep-ed , civil service committee sa konseho, DILG ug Youth Affairs Office.(Ghiner L. Cabanday, RMN-DXIC Iligan)



Facebook Comments