Davao City – Hatagan lamang og kinse (15) ka adlaw ang mga benepisyaryo sa Social Amelioration Program kun SAP nga makuha ang ilang ayuda sa payment centers.
Sa pakighinabi sa DXDC RMN Davao kang Department of Social Welfare and Development kun DSWD-XI Information Officer Kristelle May Cagatin, igo na ang maong ihap sa adlaw aron makuha ang maong ayuda.
Subay kini sa concern sa usa ka netizen nga si alyas Leah nga nangutana sa DXDC RMN Davao FB page og pwede pa ba makuha ang ayuda bisan lapas na ang schedule niini.
Apan sumala sa tigpamaba nga og mulapas pa sa gihatag nga lugway nga kinse ka diyas, mamahimong muadto sa DSWD o barangay aron ma-inform ang payment centers bahin sa wala nakuha nga ayuda.
“Kung reasonable, ma-consider man na nato, dili gyud ingon nga itago o di ihatag ang ayuda,” segun ni Cagatin.
RadyoMaN Renz Barbarona
