SAP 2: Ayuda pwede kuhaon sa bisan asa nga branch

Davao City – Mamahimo ra nga kuhaon ang ayuda sa Social Amelioration Program kun SAP 2nd tranche sa bisan asa nga branch sa partner nga payment centers sa maong programa.

Kini ang gitino ni Kristelle Cagatin, Department of Social Welfare and Development kun DSWD XI Information Officer atol sa interview sa DXDC RMN Davao.

Apan sumala ni Cagatin nga duna nay gi-designate nga branch ang Starpay asa kuhaon sa mga benepisyaryo ang ilang ayuda busa ilang giawhag nga didto nalang usab kini kuhaon.


“Pwede ra gyud siya in any branch but again we encourage you to follow the branch nga assign sa ila… We encourage the beneficiaries especially under sa USSC outlets nga sundon kung unsa nga branch asa sila,” segun ni Cagatin.

Subay kini sa mga pangutana sa SAP beneficiaries kung pwede kuhaon nalang sa laing branch ang ayuda gumikan sa namatikdang taas nga pila sa ubang payment centers.

Subli usab panawagan sa DSWD XI nga sundon ang schedule sa pagkuha sa ayuda aron di magpunsisok ug matuman ang social distancing.

RadyoMaN Renz Barbarona

Facebook Comments