Provincial Board, tinguhaan nga makadihon sang quiry kag rekomendasyon agud nga talapuron nga butangan sang dormitory para sa mga medical frontliners ang tanan nga mga government district hospital!

42

Roxas City, Capiz – Lauman nga sa masunod nga tinion mapatindog na ang dormitory para sa mga medical frontliners sang Roxas Memorial Provincial Hospital (RMPH) kag Bailan District Hospital sa banwa sang Pontevedra.
Ini matapos nga ginkumpirmar ni Capiz Vice Governor James Mitang Magbanua nga aprobado na sang Sangguniang Panlalawigan ang Resolution No. 325 series of 2020 nga nagahatag sang otoridad kay Governor Esteban Evan Contreras nga magsulod sa Memorandum of Agreement kaupod ang Department of Public Works and Highways (DPWH) angut sa pagpatuman sang nasambitan nga proyekto.

Nahibaluan nga ang DPWH na ang bahala nga mag conceptualize, magaconstruct kag sa nasambitan man nga ahensya magahalin ang pondo sa idalom sang 2020 general appropriations budget.


Samtang ginpahayag sang bise-gobernador nga tinguhaan man nila nga makadihon sang quiry kag rekomendasyon agud nga talapuron nga pahamtangan sang dormitory ang tanan nga mga government district hospital sa Capiz.
Nahibaluan nga sa bilog nga Western Visayas, may yara sang 16 ka mga off-site dormitories para sa mga medical frontliners ang igapatindog sang DPWH.

photo(c)- Office of the Presidential Assistant for the Visayas

Facebook Comments