Davao City – Walay kagubot nga nahitabo sa pag-release sa cash assistance sa Social Amelioration Program (SAP) 2nd tranche pinaagi sa digital payment.
Kini ang obserbasyon ni Barangay 9-A Brgy. Capt. Tata Llubit, sa iyang Barangay nahimong hapsay ang pag-release tungod kay dili na moadto pa ang tawo sa Barangay Hall nga maoy hinungdan nga dili matuman usahay ang social distancing tungod kay magdasok labi na og wala naka-schedule sa payout.
Gipasabot sa Kapitan nga usa ka maayong paagi karon ang gihimo sa DSWD nga paghatag sa maong hinabang pinansyal tungod kay ang kadto lang benepisyaryo ang mokuha.
Giingon ni Llubit, anaa sa 98% na ang nakadawat sa SAP 2nd tranche sa ilang lugar ug nahimong hapsay ang distribution pinaagi sa digital payment.
RadyoMaN Bernard Pantallon
