SAP 2nd tranche pay out sa Paquibato ilusad, waitlisted unahon

46

Davao City – Prayoridad karon sa 2nd tranche sa Social Amelioration Program kun SAP ang mga waitlisted o additional nga benepisyaryo sa maong ayuda.

Kini ang gibutyag ni Department of Social Welfare and Development kun DSWD XI Information Officer Kristelle May Cagatin atol sa interview sa DXDC RMN Davao kaniya.


Gani ugma, July 4, 2020, gisulti sa information officer nga dunay mahitabong pagpang apod-apod sa SAP 2nd tranche sa Paquibato district dinhi sa syudad sa Davao apan alang lamang kadto sa waitlisted o mga dugang benepisyaryo.

“Ang priority gyud sa buhatan karon nga mahatagan sa ayuda kadtong mga waitlisted o additional nga benepisyaryo,” segun ni Cagatin.

Samtang gitino niini nga wala pa gyuy eksaktong adlaw o petsa og kanus-a magsugod ang distribusyon sa maong ayuda sa ikaduhang hugna alang sa kadtong mga benepisyaryo nga nakadawat sa unang tranche.

“Wala pay definite date kung kanus-a ma-release ang 2nd tranche particular sa Davao City. Sa tibuok Davao region, Davao City nalang makadawat sa 2nd tranche,” dugang ni Cagatin.

RadyoMaN Renz Barbarona




Facebook Comments