Davao City – Aduna gihapoy mga benepisyaryo ang naglaum sa 3rd tranche sa Social Amelioration Program kun SAP.
Sama sa usa ka inahan nga si alyas Jen nga taga Buhangin ning syudad nag ingon nga apektado ang ilang gamay nga negosyo sa COVID-19 pandemic ug wala pa gihapon nakabangon busa nanghinaut kini nga duna pay dugang ayuda gikan sa gobyerno.
Sa pakighinabi sa DXDC RMN Davao kang Department of Social Welfare and Development kun DSWD Undersecretary Luz Ilagan, gibutyag niini nga tutukan sa Bayanihan 2 ang ekonomikanhong aspeto sama sa pagtabang sa mga Pilipino nga nawad-an og trabaho nga makakita og panginabuhian.
Matud pa duna kini kalainan sa ayuda sa Bayanihan 1 apan gipaniguro sa gobyerno nga matabangan gayud ang mga apektado.
“Kung naa man gani ayuda nga mugawas, lahi napud siya nga porma. Matabangan gihapon ang mga kaigsuonan pero dili na gyud siya exactly the same sa Bayanihan 1,” segun ni Ilagan.
Sumala ni Ilagan, ginahulat pa karon ang Implementing Rules and Regulations kun IRR sa Bayanihan 2.
RadyoMaN Renz Barbarona
