Davao City – Wala matud pa nakasulat sa Bayanihan to Recover as One Act kun Bayanihan 2 bill ang 3rd tranche sa Social Amelioration Program kun SAP.
Kini ang gibutyag ni Senator Sherwin Gatchalian, Chairperson sa Senate Committee on Basic Education atol sa pakighinabi kaniya sa Straight to the Point Morning Edition.
“Wala pong nakasulat doon na SAP 3 pero pwedeng magkaroon ng SAP 3 depende sa sitwasyon natin,” segun ni Gatchalian.
Apan pagpasabot sa senador nga bisan wala nakasulat nga maghatag og SAP 3 aduna man gihapoy gahum si Pres.Rodrigo Duterte nga maka mando nga maghatag og ayuda depende sa sitwasyon ilabi na kung dunay ibalik sa Enhanced Community Quarantine kun ECQ tungod sa COVID-19.
Sa pagkakaron anaa na sa final stage ang ‘Bayanihan 2’ ug laumang maaprubahan karong semanaha.
RadyoMaN Renz Barbarona
