Davao City – Arestado ang usa ka 42-anyos nga babae human kini nahukaan og P4 million kantidad sa droga atol sa buy-bust operation sa Km. 23, Bunawan, Davao City kaganinang buntag, June 25, 2020.
Sa intebyu sa DXDC RMN Davao kang Police Capt. Rosario Aguilar, Spokesperson sa Davao City Police Office (DCPO) gibutyag niini nga usa ka benepisyaryo sa Social Amelioration Program (SAP) ang suspek ug kapin usa ka bulan usab kining gi-monitor sa otoridad.
“Taud-taud to gi-monitor, mga bulan pod kapin,” matud ni Aguilar.
Sa operasyon, napalitan og gituohang shabu ang suspek ug nakuhaan usab kini og 250 gramos sa maong droga.
Ugmang adlawa (June 26, 2020), ipasaka ang kaso sa suspek diin mag-atubang kini sa kasong paglapas sa Republic Act (RA) 9165 kun Comprehensive Dangerous Drugs Act of 2002.
RadyoMaN Kirby Manzon
