Ginhangkat ni Special Assistant to the President Christopher “Bong” Go ang mga nagakwestyon sa ikaayong lawas ni Presidente Rodrigo Duterte.
Suno kay Go, dapat updan ni Communist Party of the Philippines (CPP) Founding Chairman Jose Maria Sison si Duterte para personal sini nga mabal-an ang estado sang ikaayong lawas sang Presidente.
Suno kay Go, masarangan tapuson ni Duterte ang iya termino sa 2022.
Gin-engganyo man ni Go sanday Magdalo Party-List Representative Gary Alejano kag Senator Antonio Trillanes IV nga mag-upod sa biyahe ni presidente Duterte sa Israel sa Setyembre agud magpatan-aw sang ila ulo.
“*Pwede naman siyang sumama. He is a congressman. Kung talagang magpa-check up ang ating Pangulo, sumama na lang sila ni Mr. Trillanes at magpa-check up sila ng mga ulo nila* , ” pahayag ni Go.
Madumduman nga ginpahayag ni Alejano nga magapadulong sa Israel kag Jordan ang Presidente agud magpabulong kag wala ini sang kahilabtanan sa mga Overseas Filipino Workers (OFWs).
(photo from web)
