SAP sa PUV drivers miarangkada

106

Davao City – Giklaro sa Department of Social Welfare and Development (DSWD-XI) nga ang mga public utility vehicle (PUV) drivers lang nga wala’y nadawat nga ayuda sa Social Amelioration Program o SAP pinaagi sa mga local government units (LGU), TUPAD program sa LGU, ug bisan unsa pang mga tabang sa uban pang mga ahensya sa gobyerno ang makadawat sa SAP nga gipaagi sa Land Transportation Franchising and Regulatory Board kun LTFRB.

Sa pakighinabi sa DXDC RMN Davao kang Merlinda Paragamac, DSWD-XI, sumala niini nga dunay listahan ang LTFRB sa mga kwalipikado sa nahisgutan.

Dugang pa nga susama ang proseso sa payout sa SAP 2ND tranche diin matud pa nga ang mga PUV drivers nga nakadawat na sa ilang mga cash out reference numbers pinaagi sa mensahe ni StarPay, mamahimo na nga makakuha sa ayuda sa iskedyul nga gitagana sa bisan asa nga Mlhuillier branch sa tibuok rehiyon.

Kinahanglan ipakita ang driver’s license atol sa pagkuha sa ayuda.

Mamahimo usab i-check dinhi ang mga pangalan sa mga drivers nga wala pa kadawat og mensahe ug mamahimong muadto sa LTFRB Puan alang sa pagkuha sa reference numbers:

September 24, 2020 – *https://www.facebook.com/media/set/…*
September 25, 2020 – *https://www.facebook.com/media/set/…*
September 26, 2020 – *https://www.facebook.com/media/set/…*
September 27, 2020 – *https://www.facebook.com/media/set/…*
September 28, 2020 – *https://www.facebook.com/media/set/…*

Mamahimo mangutana bahin niini pinaagi sa LTFRB Regional Franchising and Regulatory Office No. 11 facebook page, Ltfrb Region XI (@ltfrbdvo) , ug (082) 297 0171 ug (082) 297 2525. <www.facebook.com/LTFRBRFRONo.11/?__cft__%5b0%5d=AZVzMvNua6ZuWNhb1kgrxzNyZrTP7mDS51MvHvKHF2FydCtc-5cjVnc0zGK51te2m7OM4xG6mv9ObuQ1ZkAbS7UkblMqNhP9TEY6eJijMhvehss-RND_r8lknV-9rp0OtOjpfYna_FY0-6CtFapfQ…>




RadyoMaN Renz Barbarona

Facebook Comments