![SP.jpg](https://i0.wp.com/rmn.ph/wp-content/uploads/2020/10/SP-scaled.jpg?resize=696%2C464&ssl=1)
Davao City – Gipailawom na sa quarantine ang mga empleyado sa gobyerno sa syudad sa Davao human nakatala og kaso sa Coronavirus Disease 2019 (COVID-19) ang ilang opisina.
Gibutyag ni Davao City Mayor Sara Duterte-Carpio nga nagbaton og kaso sa COVID-19 ang Sangguniang Panlungsod rason nga nagbaton una sila og work-from-home scheme, samtang gi-schedule na ang ilang testing.
“Ang gibuhat sa City Health Office (CHO) gihatagan sila’g instruction nga mag quarantine then gitagaan sila’g schedule kanus-a angay i-testing ang mga tao bago sila pabalikon sa ilang work place,” segun ni Duterte-Carpio.
Laing kaso usab sa COVID-19 sa usa ka korte sa Hall of Justice ning syudad diin padayon usab karon ang gihimong contact tracing ug disinfection sa lugar.
Subling gipahinumdom sa alkalde nga estriktong ipatuman sulod sa mga opisina o establisemento ang basic health protocol batok sa COVID-19 sama sa pagsuot og face mask ug social distancing.
RadyoMaN Kirby Manzon