Sara: Sabong gidili gihapon

14

Davao City – Giklaro ni Davao City Mayor Sara Duterte-Carpio nga wala gihapoy pagtugot sa City Government of Davao, ang operasyon sa sabong sa syudad, luyo sa bag-ong rekomendasyon gikan sa Inter-Agency Task Force (IATF) sa pagtugot sa aktibidad sa mga lugar ilawom sa Modified General Community Quarantine (MGCQ).

Gipasabot sa Alkalde nga dili tungod sa Coronavirus Disease 2019 (COVID-19) pandemic, ang rason sa pagkansela sa permits sa mga sabongan sa dakbayan, kun dili kini nag subay sa palisiya sa lokal nga pang gamhanan.

“Nag move ‘ta nga i-cancel ang mga permits sa mga gallera/sabongan diri sa Davao City. Dili ni siya related sa COVID-19, but it is a personal direction and policy sa city administration,” tataw ni Duterte-Carpio.

Dugang sa Alkalde nga napa-abot na usab sa City Business Bureau ang kanselasyon sa permits sa mga sabongan sa dakbayan.

Subay sa IATF Resolution 74, anaa gihapon sa local government units (LGUs) ang pinal nga desisyon kung itugot niini ang maong aktibidad sa ilang lugar sa kondisyon nga masunod gihapon ang health ug safety protocol batok sa COVID-19.

RadyoMaN Kirby Manzon

Facebook Comments