Davao City – Gilaumang muabot sa Davao City Overland Transport Terminal (DCOTT) ang anaa sa 400 ka mga locally-stranded individuals (LSIs) gikan sa kaulohan.
Matud ni Davao City Mayor Sara Duterte-Carpio nga magsugod ang biyahe sa nahisgutan karong adlawa (July 4, 2020) diin gipangandaman na kini sa dakbayan.
“Ang atong mga LSIs na gina i-expect nga muabot, this will be a very big number na muabot gikan sa Luzon. Muabot sila by buses, diri sila sa DCOTT and we are preparing for their arrival,” matud sa mayor.
Gitataw sa alkalde nga ibiyahe na ang mga LSIs pinaagi sa land or sea travel gumikan kay gihunong sa national government ang pagbiyahe sa nahisgutan pinaagi sa Davao City International Airport.
Ipailawom usab sa swab testing ang maong mga LSIs aron masigurong luwas sa Coronavirus Disease 2019 (COVID-19) ang nahisgutan.
RadyoMaN Kirby Manzon
