Davao City – Duha ka mga dagkung concern nga tutukan sa liderato ni Mayor Sara Duterte-Carpio sa 2019: High-Priority Bus System ug pagpatuman sa preemptive evacuation protocol panahon sa kalamidad.
Sa iyang second State of the City Address, gibatbat ni Mayor Sara ang pagpa-arangkada sa moderno, mas luwas, mas hilway ug mas kombinyenteng bus transport system agig tubag sa traffic dilemma ug gridlock nga atong padayong nasinatian.
Usab giduso sa mayor ang importansya sa preventive evacuation aron malikayan nga masinatian nato ang casualties gumikan lamang sa kagahi sa ulo sa mga tawo nga mobakwit sa mas luwas nga dapit panahon sa emerhensiya or disgrasya.
“Always the best resiliency tool is to vacate,” pahinumdom ni Duterte.
Usab gi-anunsyo ni Mayor Sara nga tukoron sa District II ang lain pang permanent evacuation shelter tupad sa lain pang evac site sa Los Amigos Tugbok ingon man ang katukoran sa usaka warehouse diin ipangbutang kun i-preposition ang tanang mga panginahanglanon sa mga bakwit panahon sa grabeng kalamidad.
RadyoMaN June Duterte
