Davao City – Nanawagan ang City Government of Davao nga suportahan ang proyekto labot sa paghatag og proteksyon sa mga kabataan.
Sa online launching sa Child Protection Policy Module kagahapon (June 23, 2020) nga gitambongan ni Davao City Mayor Sara Duterte-Carpio kaabag ang Department of Education (DepEd) ug ubang hingtungdang ahensya, gibutyag sa alkalde nga ang bugtong tumong sa proyekto mao ang pag-edukar sa mga kabataan labot sa pagsayud sa dili maayong gibuhat kanila ug kung asa kini ipaabot aron sila matabangan.
“Basically, isa lang ang gusto namo makita sa mga bata across all ages from daycare to senior high school. Mahibalo sila when this is wrong and know asa sila musulti o musumbong. Then kung musumbong sila matabangan sila,” esplikar sa Mayor.
Dugang sa alkalde nga gawas sa pag report sa mga bata sa ilang magtutudlo o ginikanan labot ilang ‘concern’, nakig alayon usab sila sa Kean Gabriel hotline 0908-818-4444 diin pinaagi sa pag contact sa numero daling maapabot sa bata ang ilang problema.
RadyoMaN Kirby Manzon
