Davao City – Gikumpirma ni Davao City Mayor Sara Duterte-Carpio nga dili wagtangon sa City Government of Davao ang tradisyonal nga gift-giving sa Disyembre o sa Pasko luyo sa Coronavirus Disease 2019 (COVID-19) pandemic.
Sumala sa Alkalde nga bisan og kanselado ang mga programa sa dakbayan tungod sa sitwasyon, aduna gihapoy gitaganang pondo alang sa regalo sa mga empleyado sa gobyerno, ug uban pang sektor sa komunidad sama sa mga bata, Senior Citizens, LGBT (Lesbian, Gay, Bisexual, and Transgender) ug mga Barangay Employees.
“This year wala na tanan atong mga parties, wala napud ‘tay mga events. Nag andam lang ‘ta for decorations para naa gihapon ang Christmas mood/feels nato. Then, nag andam pud ‘ta sa mga regalo,” saysay sa Alkalde.
Gawas niini, padayon usab ang pagpanghatag og grocery packs sa mga Davaoeños apan ginaton-an pa kung unsaon kini paghimo aron mapaabot kanila ang regalo sa kondisyon nga masunod gihapon ang mga health ug safety protocols batok sa COVID-19.
RadyoMaN Kirby Manzon
