Davao City – Gipahibalo sa City Government sa publiko kung unsa ang lauman ug angay pangandaman sa Davaoeños sa pag uli dinhi sa syudad sa Davao partikular na ang mga muagi diha sa Davao International Airport (DIA).
Matud ni Davao City Mayor Sara Duterte-Carpio nga tungod kay anaa gihapon ang Coronavirus Disease 2019 (COVID-19) pandemic, rekisitos gihapon pasulod sa DIA ang negative RT-PCR (real-time reverse transcription polymerase chain reaction) result kung asa gikan nga lugar o kaha diri magpa-test pag abot sa dakbayan.
“Gina-remind nato sila nga kung dili sila gusto madugay diha sa Davao International Airport holding facility, they can opt to get their 24-72 hours (negative) RT-PCR result daan kung asa sila gikan nga lugar, o mag andam sila nga mag testing diri sa atong (Davao) airport,” tataw sa Mayor.
Segun sa Alkalde nga dili na kinahanglan magdugang og personahe sa DIA sa posibleng dagsa sa pasahero tungod kay aduna nay kahibalo ang airport kung pila ka flights ang muabot matag adlaw.
RadyoMaN Kirby Manzon
