Davao City – Nagpahimangno si Davao City Mayor Sara Duterte-Caprio sa publiko nga dili i-publish ang ilang QR (Quick Response) Code nga gamiton sa pagpadali sa contact tracing gumikan sa Coronavirus Disease 2019 (COVID-19).
Matud sa Alkalde nga nagbaton karon og pilot testing sa QR Code partikular na sa mga empleyado sa City Government of Davao samtang wala pa nahuman ang tibuok programa sa QR Code nga gamiton sa mga Davaoeños diin gipahimangnoan ang tanan batok sa contact tracing forms scams.
“Ayaw ninyo i-publish ang inyong QR code because once i-publish ninyo ang inyohang personal and permanent QR code diha sa social media pwede na siya ma-grab,” matud sa Alkalde.
Samtang, nagpahinumdom usab ni Duterte-Carpio nga kung magbaton na og QR Code, ipatuman niini ang pagdili sa mga dili importanteng lakaw sulod sa Davao City gamit ang QR Code diin mamahimo kining ikansela ugaling kini abusohon.
RadyoMaN Kirby Manzon
