Davao City – Giklaro ni Davao City Mayor Sara Duterte-Carpio nga libre alang sa tanan ang pagbaton sa Safe Davao QR (DQR) nga himuon nang mandatory sugod November 7, 2020 dinhi sa syudad sa Davao.
Matud sa Alkalde atol sa interbyu sa city-owned radio, nga mamahimong i-save ang DQR sa mobile phone ug mamahimo usab nga i-print sa papel.
Samtang kung aduna may buot magpatabang sa mga internet shops, kinahanglang dili motaas sa kinse pesos (P15.00) ang pangayoon nga bayad alang sa maong transaksyon.
“Internet shops and business individuals can offer the service of internet use, printing and lamenation of the DQR but the price for each customer must not be more than P15,” segun ni Mayor Sara.
Subay sa Execitive Order (EO) No. 60 Series of 2020, kinahanglang dal-on sa tawo ang iyang DQR kung mogawas lapas tulo (3) ka metros gikan sa ilang balay ug ang Barangay personnel usab ang gitahasan nga mo-check kung adunay paglapas ang usa ka indibidwal kababin sa non-essential travel.
RadyoMaN Kirby Manzon
