Matud ni Mayor Sara (sa interbyu sa city-owned radio), anaa kang BBM ang desisyon kung kinsa ang i-appoint niini tungod kay siya usab ang responsable kung unsa ang resulta sa mamahimong performance sa usa ka cabinet secretary.
“Kung pakialaman nato ang pangulo sa mga i-appoint niya nga mga (cabinet) secretaries, ang success or failure niana, tulubagon na siya sa president because the president is the appointing authority. Kung ako ang pangulo unya gina-ana ko ninyo, “Kini i-appoint ni si kuan”, of course malain ko, masuko ko because this is my administration and ako ang mutubag sa performance sa mga cabinet secretary,” matud sa alkalde.
Nasayrang adunay mga pictures nga nag-leak sa social media kabahin sa mga pangalan nga ibutang sa nagkadaiyang cabinet positions apan kini walay kamatuoran.
Hangtud sa pagsulat ning balita, duha (2) pa lamang ang kumpirmadong miyembro sa gabinete nga mao si incoming VP Sara Duterte isip DepEd secretary ug Benjamin “Benhur” Abalos Jr. isip secretary sa Department of the Interior and Local Government (DILG).
RadyoMaN Kirby Manzon
