Davao City – Giklaro sa City Government of Davao nga mag-agad ang syudad sa Inter-Agency Task Force (IATF) kabahin sa quarantine classification nga ipatuman sa dakbayan sa Davao.
Kini ang gibutyag ni Davao City Mayor Sara Duterte-Carpio human girekomenda sa OCTA Research Group nga ipailawom sa Enhanced Community Quarantine (ECQ) ang syudad kung dili gihapon moubos ang ihap sa Coronavirus Disease 2019 (COVID-19) cases.
Gitataw sa alkalde nga dili gipanag-iyahan o ilawom sa gobyerno ang OCTA Research ug ang gisunod lamang sa matag Local Government Unit (LGU), ang rekomendasyon sa IAFT alang sa quarantine status.
“Wala pa ‘tay discussions ana sa level sa Local Government of Davao. We should remember that kanang OCTA Research is not a government research center. Ang ginasunod nato sa discussion sa community quarantine is ang IATF,” segun sa mayor.
Sa kasamtangan, ang Davao City anaa ilawom sa Modified ECQ hangtud sa Hunyo 30, 2021 diin padayong gipatuman ang guidelines sa ilawom sa maong quarantine status.
RadyoMaN Kirby Manzon
