Sara: Face shield use giklaro

34

Davao City – Walay partikular nga materyales o disenyo alang sa face shield sa pagsakay sa mga pampublikong sakyanan.


Kini ang giklaro ni Davao City Mayor Sara Duterte-Carpio diin mamahimong bisan unsa nga materyales ang gamiton basta matabunan lang ang nawong sa usa ka indibidwal.

“Ang face shield wala man siya’y specific na design and specific na material. Any face shield will do so as long as covered ang imuhang nawong and dili affected imong mobility and sight because ang ingon sa doctor, ang kanang chances nga mo-landing sa imong nawong ang kagaw i-reduce daw na nimo with a face shield,” pagpaklaro niini.

Dugang sa alkalde nga subay sa iyang pangutana sa medical specialist, mas labing gikinahanglan ang face shield sa mga high-risk establishments sama sa mga ospital o trabaho nga sagad naga-istorya og tawo sama sa mga security guards ug uban pa.

Gipasabot usab niini nga kinahanglang tumanon sa publiko ang pagsuot og face shield subay sa memorandum circular sa Department of Transportation (DOTr) diin ‘mandatory’ na kini sugod sa Agosto 15, 2020 sa pagsakay sa mga public transportation.

RadyoMaN Kirby Manzon

Facebook Comments