Kapin 30 call center agents positibo sa rapid test

35

Davao City – Girekomenda sa City Government of Davao nga ipa-ilawom sa RT-PCR (Reverse Transcription Polymerase Chain Reaction) test ang giingong usa ka call center company nga nagpahigayon og Rapid Diagnostic Test (RDT) sa ilang empleyado diin kapin 30 ka mga agents ang nagpositibo.


Matud ni Davao City Mayor Sara Duterte-Carpio nga subay sa Executive Order (EO) sa City Government, RT-PCR na ang ginagamit sa syudad sa pag-test og mga indibidwal tungod kay dili kasaligan ug dili pa pinal ang resulta sa RDT.

“Mali na ilahang gibuhat, dapat gi-deretso na nila og RT-PCR. If you can remember diha sa atong executive order dili na ta nagagamit og rapid (test). Very seldom na ta nagagamit og rapid test, ang atoang standard (testing) is RT-PCR na,” saysay sa alkalde.

Ang resulta usab sa RT-PCR test ang magdetermina kung unsa ang mamahimong desisyon sa operasyon sa wala ginganlang BPO (Business Process Outsourcing) Company.

Dugang sa mayor nga ipa-coordinate usab sa City Health Office (CHO) ang maong kompanya aron sila ang magdesisyon kung pilay ipailawom sa RT-PCR test.

RadyoMaN Kirby Manzon

Facebook Comments