Davao City – Ipagula sunod semana ang Executive Order (EO) sa pagwagtang sa liquor ban sa syudad sa Davao sugod Septembre 21, 2020.
Matud ni Davao City Mayor Sara Duterte-Carpio, i-lift ang liquor ban alang sa mga negosyante ug mga trabahanting anaa sa maong kompanya nga naapektohan usab ang operasyon gumikan sa Coronavirus Disease 2019 (COVID-19 pandemic.
“Excuse me mga kaigsoonang Dabawenyo, wala nato gi-lift ang liquor ban para sa inyuha. Gi-lift nato ang liquor ban para sa negosyo ug sa mga tao nga nagtrabaho sa liquor business. Dili tungod sa inyong kalipay ni,” saysay sa alkalde.
Gipasabot ni Mayor Sara, anaa gihapon sa negative list sa Department of Trade and Industry (DTI) ang beer houses, bu-ot pasabot nga dili gihapon sila mamahimong maka-serve kun makapamaligya og ilimnon ingon man ang mga clubs ug bars luyo sa pagwagtang sa liquor ban.
RadyoMaN Kirby Manzon
