Davao City – Posible gihapon nga magbaton og mga lockdowns ug Enhanced Community Quarantine (ECQ) sa mga barangay bisa’g anaa na ilawom sa Modified General Community Quarantine (MGCQ) ang syudad sa Davao.
Matud ni Davao City Mayor Sara Duterte-Carpio nga posible gihapong mahitabo ang lockdowns sa kadalanan, purok, compound ug balay ingon man barangay ECQ ugaling magbaton og taas nga kaso ang usa ka lugar sa Coronavirus Disease 2019 (COVID-19).
“We will have a street, purok, compound, house lockdown and barangay ECQ is still a possibility to control kining mga transmissions nato nga identified na very high-risk ug high-risk areas,” bugyag sa alkalde.
Panawagan sa alkalde sa mga ‘employers’ nga i-konsidera ang maong ‘control measures’ ugaling adunay mga trabahante nga dili kasulod sa trabaho tungod sa pagkabutang sa ilang lugar sa lockdown.
RadyoMaN Kirby Manzon
