Davao City – Gibutyag ni Davao City Mayor Sara Duterte-Carpio nga ipatuman na sa dili madugay ang Mandatory QR (Quick Response) Code sa syudad sa Davao alang sa contact tracing gumikan sa Coronavirus Disease 2019 (COVID-19).
Matud sa alkalde nga subay update sa QR code ‘developer’ karon nga semana, basic requirements nga i-andam sa mga private establishments alang sa QR Code ang Smartphone nga adunay internet/data connection ug ang pag-download sa establishment og QR code reader.
“Ayaw mo’g kaguol because before nato himuong mandatory ang atong QR code (sa Davao City), paniguradohon nato nga ready tanan,” saysay sa alkalde.
Dugang niini nga aduna pa silay himuong ‘coordination meeting’ aron ma-klaro ang klase sa Smartphone ug uban pang specifications sa device o application nga gamiton alang sa maong sistema.
Nasayran nga una nang nagpatuman og QR Code alang sa contact tracing ang probinsya sa Davao del Norte.
RadyoMaN Kirby Manzon
