Davao City – Gibutyag ni Davao City Mayor Sara Duterte-Carpio nga ang mass gathering ug ang lihok sa tawo nga dili importante ang mga nag-unang rason sa pagtaas sa kaso sa Coronavirus Disease 2019 (COVID-19) sa syudad sa Davao.
Matud sa Alkalde nga nakalimtan sa publiko nga aduna gihapoy ‘quarantine’ nga ginapatuman tungod sa pandemic apan padayon gihapon ang mga panagtapok nga ginahimo hinungdan nga gibutyag niini sa Mayor nga ‘bagsak’ ang Davaoeños sa self-regulation.
“Gina-address nato ang top 2 nga rason sa fast spreading or fast increase sa (COVID-19) transmission. Number one, mass gathering. Number two, non-essential movements,” tataw sa Alkalde.
Kagahapong adlawa (October 26, 2020) gipagawas ang Executive Order (EO) 57 Series of 2020 sa pag-regulate sa mass gathering ug pagdili sa mga non-essential travel sulod sa Davao City hangtud December 31, 2020, isip usa sa solusyon sa COVID-19 ‘surge’ sa dakbayan.
RadyoMaN Kirby Manzon
