SARA, Iloilo – Natingala si Sara Mayor Ermelita “Inday” Salcedo nga nadala ang Sara sa listahan sang Provincial Drug Enforcement Unit (PDEU) nga padayon ang illegal drug operation.
Suno kay Salcedo, may droga pa sa iya banwa apang indi man rampant.
Baliskad naman ini sa ginhambal sang PDEU nga isa ang Sara sa lima ka mga kabanwahanan sa quinto distrito nga nagaduging ang illegal nga droga.
Pahayag ni Salcedo, may ginahimo man nga tikang ang munisipyo agud awayon ang illegal nga droga sa ila lugar.
Ginpahayag man niya nga kon may illegal nga droga, ginamonitor man ini sang kapulisan kag may ginahimo man ang LGU sang Sara.
Pahayag pa ni Salcedo nga kon may nagkaladakpan man sa ila lugar nga involve sa illegal nga droga indi ini pumuluyo sang Sara.
