Davao City – Hugot nga nagbahad karon sa publiko si Davao City Mayor Sara Duterte-Carpio kontra niadtong tawo or mga tawo nga naglambigit sa ilang kaugalingon sa disbarment case nga iyang giatubang.
Sa usaka press statement gi-release karong adlawa, gitataw ni Duterte nga wala siyay kalabutan sa aktwasyon sa mga indibidwal kinsa gikatahong niduol ug niistorya sa mga petitioners ug witnesses sa disbarment case nga gipasaka batok kaniya niadtong tuig 2011.
“So the public may know, I have never asked any complainant or witness to withdraw their disbarment case against me as I have always maintained that I will face the consequences of my actions on that fateful day of July 1, 2011,” segun sa alkalde.
Kahinundoman nga ang Sheriffs Confederation of the Philippines, Incorporated (SCOPHIL) pinaagi sa mga kadagkuan niini nga sila Patermoscio Labayani, Roberto Galing ug Fernando Regino nipasaka sa usaka complaint-affidavit alang sa paghukas sa lisensiya pagka-abogada sa mayor gumikan sa iyang pagsukmag kang Davao City Regional Trial Court (RTC) Branch 16 Sheriff Abe Andres atol sa demolisyon sa usaka dapit dinhi sa dakbayan.
Sa mao sa gihapong sulat-pamahayag, gi-agni ni Duterte ang Malacañang kinsa adunay prerogative pagnombra sa mga mahistrado sa Korte Suprema nga dili magpalingla ning maong personalidad kinsa buot mokariyo ug pabor kaniya bugti sa posibleng appointment pagka-mahistrado sa labing hataas nga hukmanan sa nasud.
“The Office of the President should think twice in appointing this individual to be a Justice — more so, a Chief Justice. He clearly lacks the virtues of honor, justice and fairness,” panapos sa mayor ning dakbayan.
RadyoMaN June Duterte
