Davao City – Angay nga batasanon sa tanan labi na sulod sa mga opisina ug establisyemento ang mga ‘measures’ isip kabahin sa ‘new normal’ gumikan sa Coronavirus Disease 2019 (COVID-19).
Matud ni Davao City Mayor Sara Duterte-Carpio nga dili kanunay nga ma-monitor sa lokal nga gobyerno ang mga trabahoan rason nga angay niining batasanon ang pag-implementar sa ‘minimum health standards’ batok COVID-19 labi na karon nga anaa ilawom sa Modified General Community Quarantine (MGCQ) ang dakbayan.
“We cannot be there 24 hours a day sa inyong mga offices. It’s up to you nga mag self-regulate. Kung madakpan mo during inspection wala na tay dapat istoryahan,” matud sa alkalde.
Esplikar sa mayor nga dili angay pugson ang nagka-sakit nga trabahante diin angay usab nga magbaton og ‘designated doctor’ nga maoy mo-check up sa nahisgutan aron malikayang ma-quarantine ang opisina oras nga adunay magpositibo sa COVID-19.
RadyoMaN Kirby Manzon
