Davao City – Giagni ni Davao City Mayor Sara Duterte-Carpio ang katawhan sa Davao nga mokooperar ug suportahan ang simultaneous anti-terror exercises kun gitawag nga Task Group Southern Storm diin ang lungsod maoy pilot area sa maong aktibidad karong Pebrero 5-8.
Sumala sa mayor nga gi-welcome sa dakbayan ang gihimong inisyatibo sa mga tinugyanan sa balaod sa ingon niini masukod ang interagency ug community preparedness.
Subay niini aron matubag ang kakulangon diha sa mga posibleng himuong terror attack ug uban pang matang sa emerhensiya.
Giawhag sa alkalde ilabina ang partisipasyon sa mga opisyal sa barangay aron ipahibalo sa komunidad nga ang Southern Storm Drill magkinahanglan nga ipalaiwom sa lockdown ang dakbayan.
Dugang ni Mayor Inday kinahanglang hitsas ang tanan kay ang away kontra sa hulga sa terorismo ug kriminalidad responsibilidad sa matag usa.
Samtang gibutyag ni PNP Deputy Director General for Operations Camilo Cascolan nga gawas sa PNP, AFP, BFP tanang stakeholders giawhag nga mupartisipar sa kunuhay mga scenarios atol sa drills.
RadyoMaN Aimee Guinita
