Davao City – Labing maapektuhan sumala pa ang ekonomiya sa syudad sa Davao kung mubalik kini sa mas istriktong quarantine status sama sa General Community Quarantine (GCQ) o Enhance Community Quarantine (ECQ).
Matud ni Davao City Mayor Sara Duterte-Carpio nga kini tungod kay limitado lamang ang tugotang mugawas labi na panahon sa ECQ.
“Dako pud kaayo ang cause sa atoa diri sa Davao City sa economy kung mubalik ta og GCQ or mubalik ta og ECQ because everyone mubalik napud sa sulod sa ilahang balay because especially during an ECQ very limited ang mga allowed mutrabaho o mag negosyo,” saysay sa alkalde.
Dugang sa alklade nga kini ang rason nga bisan og nagpabilin sa Modified General Community Quarantine (MGCQ) ang syudad, mas gipahugtan niini ang mga control measures labi na sa pagpasulod og gikan gawas sa dakbayan nga maoy sagad hinungdan sa pagtaas sa kaso sa Coronavirus Disease 2019 (COVID-19).
RadyoMaN Kirby Manzon
