Sara: Pagpabakuna sa COVID dili ‘mandatory’

Davao City – Giklaro sa City Government of Davao nga dili mandatory ang pagpabakuna partikular na ilawom sa vaccine ordinance nga ginapanday karon sa konseho sa syudad.

Kini human nga gilaumang maabot ang Coronavirus Disease 2019 (COVID-19) vaccine sa 3rd quarter karong tuiga nga gi-order sa lokal nga gobyerno pinaagi sa vaccine maker nga AstraZeneca human nagbaton kini og kasabutan o confidentiality agreement.

“Pirmado na tanan contracts nga gipangayo nato sa AstraZeneca, and nahatagan napud ‘ta og authority sa atong Sangguniang Panglungsod para mupirma. Gi-submit na nato tanan sa ilaha,” segun sa Alkalde.


Matud ni Davao City Mayor Sara Duterte-Carpio, mandatory ang implementasyon sa vaccine program apan boluntaryo lamang ang pagpabakuna diin prayoridad niini ang mga frontliners.

Samtang, gibutyag sa Mayor nga kinahanglan gihapon nga mupailawom sa quarantine ang mga indibidwal nga naka kumpleto na sa 2 doses sa vaccination sa laing nasud diin ginapaabot na lamang usab ang i-isyu nga memorandum sa Department of Health (DOH) labot niini.

RadyoMaN Kirby Manzon

Facebook Comments