Davao City – Gipaniguro sa City Government of Davao nga ma-protektahan ang privacy sa mga indibidwal sa proseso sa contact tracing gamit ang Davao QR (Quick Response) Code o ang SafeDavao QR.
Matud ni Davao City Mayor Sara Duterte-Carpio nga walay personal nga detalye nga ginapangayo ang SafeDavao QR aron malikayan usab ang modus o pagpangilad, inay kini nagapahibalo lamang nga adunay exposure ang usa ka tao sa indibidwal nga positibo sa Coronavirus Disease 2019 (COVID-19), numero nga tawagan ug mga angay buhaton sama sa pag-obserba sa sintomas sa virus.
“Ang nakabutang lang didto (sa SafeDavao QR text message) is naa kay exposure, mao ‘ni imong i-watch out for na symptoms and mao ‘ni ang contact number. There’s nothing there that asks you nga ihatag imong pangalan because makita na man na siya sa system (system generated),” tataw sa Alkalde.
Nasayran nga nagsugod na ang SafeDavao QR sa pagpadala’g mensahe sa publiko kung kini adunay nakauban nga COVID-19 positive sulod sa usa ka opisina o establisyemento, diin gipahinumdom niini nga dili angay mag-panic kung makadawat sa maong mensahe.
RadyoMaN Kirby Manzon
