Davao City – Dili na sumala pa makig-istorya si Davao City Mayor Sara Duterte-Carpio sa grupo sa mga magtutudlo nga the Alliance of Concerned Teachers (ACT) Davao.
Kini ang gibutyag sa alkalde sa Davao media labot sa gi-propose sa grupo nga ‘adjusted allowance’ diin gipagula sa nahisgutan nga walay nahatag ang syudad kanila rason nga gikadismaya sa mayor.
“Nalain ko sa ilahang pagpamakak so wala nako nakig-istorya sa ilaha and anyway isa rana sila ka grupo sa tibuok teacher and non-teaching personnel sa Deped,” segun niini.
Giklaro sa mayor nga nagahatag sila sa mga magtutudlo og P2,000 matag tuig sukwahi sa gikaingong wala gyuy nahatag kanila.
Dugang pa niini nga kung buot niining istoryahon ang mga problema sa magtutudlo, buot niining deritsong hinabi-on ang Davao City’s schools division superintendent.
Dugang pa sa alkalde nga walay problema kung magpahigayon og rally ang nahisgutan sa kondisyon nga magsubay kini sa balaod.
“Mag rally lang sila. There is freedom of speech and expression for as long as dili sila mag violate og laws. Okay lang,” tataw niini.
RadyoMaN Kirby Manzon
