Davao City – Giklaro ni Davao City Mayor Sara Duterte-Carpio nga walay plano ang City Government of Davao nga magbaton og city-wide lockdown karong bulana, sukwahi sa mikatag nga impormasyon nga adunay lockdown nga ipatuman sa Disyembre 19, 2020.
Matud sa Alkalde nga nga walay mahitabo’ng lockdown o pagpatuman og Enhanced Community Quarantine (ECQ) o Modified ECQ, diin subay sa desisyon ni Presidente Rodrigo Duterte uban ang Inter-Agency Task Force on the Emerging Infectious Diseases (IATF-EID), anaa ilawom sa General Community Quarantine (GCQ) ang syudad sa tibuok bulan sa Disyembre.
“There is no discussions of a lockdown (ECQ or MECQ). Nahatagaan na ta og quarantine classification for December and that is a General Community Quarantine (GCQ). So, dili na siya matawag nga hard lockdown,” segun sa alkalde.
Una na nga giingon ni Mayor Sara nga dili solusyon ang pagpatuman og lockdown sa dugay nga panahon diin kinahanglan lamang nga i-manage ang kaso sa COVID-19 sa dakbayan.
RadyoMaN Kirby Manzon
