Matud ni Mayor Sara (sa interbyu sa city-owned radio), aduna lamay mga aktibidad nga gitugot sa coastal road human kini giabrihan sa publiko niadtong Enero 28, 2022 human gihangyo ang Department of Public Works and Highways (DPWH) sa pag-abri niini samtang wala pa kini gigamit sa mga motorista.
“Allowed activities (sa Davao City Coastal Road are:) walking, biking, playing, jogging, exercises and skating. Wala poy allowed activity na riot dinha. Ang atoang security cluster knows what to do and dapat mag-adjust sila kung naa nay prohibited activities nga nagapanghitabo dinha,” sulti sa mayor.
Gipasabot sa alkalde, giabrihan ang coastal road aron nga adunay dugang open area asa pwedeng makaadto ang publiko gawas sa Shrine Hills ug uban ang areas nga sagad dagsa ang mga tawo.
“We opened our (Davao City) Coastal Road because we wanted an additioanal area para sa mga tao nga makagawas sila and open air na area, because napansin nato kadaghanan magtapok na dinhi sa Shrine Hills, sa Langub,” segun niini.
Padayon gihapong gipahinumdom ang pagtuman sa minimum public health standards batok Coronavirus Disease 2019 (COVID-19) labi na ang pagsuot og face mask ug social distancing.
Hinuon, ginalauman ni Duterte-Carpio nga sa sugod ra mudagsa ang mga tawo sa lugar ug mukunhod ra kini sa musunod nga mga adlaw.
RadyoMaN Kirby Manzon
