Sarangani , Davao Occidental- Dili man direktang maigo sa bagyong Vinta ang Saranagani Davao Occidental, todo gihapon ang ilahang mga pagpangandam sa posibleng epekto sa bagyong Vinta.
Sumala pa ni Mr. Graybert Malinog, ang labaw sa Municipal Disaster Risk Reduction and Management Council- Sarangani ( MDRRMC) , nga andam ang ilahang buhatan alang sa pag responde panahon nga moigo ang maong bagyo, gikan sa ilahang mga kahimanan, personahe, og ingun man ang Philippine coastguard-Sarangani.
Gawas sa kabaybayunan nga ilahang gina-monitor, apil usab nga ilahang ginasuta ang posibleng landslides nga mahitabo sa pipila ka mga barangay nga sakop sa Sarangani, panahon nga mubundak ang ulan nga dala sa maong bagyo.
Apil sa maong mga barangay ang Barangay Lipol, Tagen, Tinina, Gomtago, og Konel.
Una ng nagpahimangno ang buhatan nga likayan una ang molayag,managat sa mga kabaybayunan sa Sarangani Davao Occidental tungod sa dili malikayan ang mga dagkong balud tungod sa bagyong Vinta.
Photo by: MDRRMC Sarangani
