Niyanig ng magnitude 6.4 na lindol ang ilang bahagi ng Mindanao kagabi.
Naitala ng PHIVOLCS ang episentro ng lindol, 66 kilometers timog-silangan ng Sarangani Island.
May lalim ito na 139 kilometers at tectonic ang pinagmulan.
Naramdaman ang Intensity V sa Sarangani at Don Marcelino, Davao Occidental; Kiamba at Malungon, Sarangani at sa Digos City, Davao Del Sur.
Intensity IV naman sa General Santos City; Koronadal, Tupi, T’boli at Polomok, South Cotabato; Jose Abad Santos, Davao Occidental; Palimbang at Esperanza sa Sultan Kudarat.
Habang Intensity III sa Davao City; Almada, Banisilan, Kidapawan, Magpet, Makilala, M’lang, Matalam, Pigcawayan, at Tulunan sa Cotabato; Kalamansig, Lambayong, President Quirino, Senator Ninoy Aquino, at Tacurong City sa Sultan Kudarat; Lake Sebu, Tampakan, Santo Niño at Surallah, South Cotabato.
Intensity II sa Zamboanga City; Antipas, Arakan, Libungan, at President Roxas, Cotabato; Bagumbayan, Sultan Kudarat; San Fernando at Kalilangan, Bukidnon; Gingoog City, Misamis Oriental; Tantangan, South Cotabato; Cotabato City; Datu Odin at Sultan Kudarat, Maguindanao Del Norte.
At Intensity I sa Cagayan De Oro City; Pangantucan at Cabanglasan, Bukidnon; at sa Aleosan, Cotabato.
