Katapusang adlaw na sa tuig sa mga taga-gobyerno, adlaw nga Byernes, kagahapon, Disyembre baynte-nuybe (29), apan nagpahigayon pa og Special Session ang Sangguniang Panlalawigan sa Sarangani Province.
Segun ni Vice Governor Elmer De Peralta, gikinahanglan ang special session aron tagaan og pagtugot si Governor Steve Chiongbian Solon nga pirmahan ang duha (2) ka managlahi nga Memorandum of Agreement, adunay kinatibuk-ang pondo nga P9.2 Milyon ka pesos, gikan tanan sa ayuda ni Pangulong Rodrigo Duterte.
Una niini mao ang kasabutan tali sa Department of Health muhatag sa Sarangani og Three Milyon Fifty Thousand Pesos (P3.050M) magamit aron sa pagpalambo sa ginatukod karon nga Regional Drug Rehabilitation Center sa may Kawas, Alabel, sama sa electrical og water installation, lakip na ang para sa preparasyon sa groundbreaking niini mahitabo karon ng bulan sa Enero. Giduso kini ni Board Member Jess Bascuña.
Samtang ang ikaduhang MOA ang may kabahin sa P6.2 Milyon ka pesos nga ayuda gikan sa OPAPP kon Office of the Presidential Adviser on the Peace Process maka-benipisyo una ang mga kwalipikadong asosasyon sa mga mananagat sa Glan og Maasim pinaagi sa ilang programa gitawag nga PAMANA kon PAyapa at MAsaganang PamaYAnan. Ang opisina mismo ni OPAPP Secretary Jess Dureza ang maoy nagpili sa mga benipisyaryo basi na usab sa gipasa nga mga project proposal ngadto sa ilang buhatan. Ang mga lugar nga makadawat sa hinabang ang piniling lugar sa OPAPP nga una ng naila sa tawag nga P.D.C. kon peace and development communities. Makadawat ang mga nahisgutan og mga motorized fishing boat og kumpleto nga kagamitan pangisda isip panginabuhian sa mga myembro.
Kini ang gisudo ni Board Member Attorney Cyril Yap, og personal kining nagpasalamat sa mga kaubanang board member tungod kay majority ang present sa special session.
Niaging semana, bisan patapusay ng tuig, gitagaan sa pagtugot si Governor Solon aron pirmahan ang mga kasabutan tali sa Department of Agriculture may kinatibuk-ang pondo nga P12 Milyon ka pesos makapatukod na og pasiuna nga duha (2) kabuok galingan sa humay kon rice mill og masugdan napud ang pagbuhig native nga mga baboy isip livelihood sa pito ka munisipyo, og makapatukod napud og usa ka processing facility sa cacao sa Sarangani, katugbang sila Senador Manny og Congressman Ruel Pacquiao.
