General Santos City–Gipaniguro ni Police Lt. Col. Teody condesa, tigpamaba sa Sarangani Police Office nga wala silay paburan sa pagpatuman sa balaod nga giimplementar karon sa nasud hilabi na ang kamanduan sa ilang higher headquarters nga puohon ang tanang krimen ug illegal nga sugal sa ilang area of responsibility.
Dugang pagbutyag niini nga sila sa Sarangani Police Office, ilang ginaimplementar ang tanang balaod nga mando kanila ug gani daghan na silang mga accomplishment kalabutan niini.
Usa sa ilang gitutukan karon ang kamanduan nga pagwagtang sa iligal nga sugal sa ilang probinsya.
Dugang pagbutyag ni Police Lt. Col. Condesa nga tanang nakalapas sa balaod ilang dakpon ug silutan.
Gani usa sa ilang gisampulan ang tulo ka mga Junior Officer ug usa ka opisyal sa police nga nakabase sa Sarangani Province nga lambigit sa sabong.
Nasayran nga ila nang gitanggal ang mga nasampit gumikan na usab sa paghilambigit sa sugal kansa usa sa mga hugtanong mando sa pamunuan sa PNP nga dapat walay police nga lambigit sa unsa mang matang sa sugal sa nasud.
