Preparado na ang PDRRMO Sarangani og ang Alabel MDRRMO sa ipahigayon nga 1st Quarter Nationwide Simultaneous Earthquake Drill karon ng adlaw nga Hwebes, Pebrero 21.
Seguni ni Robert Lubonting, ang operations officer sa PDRRMO Sarangani, matag quarter na nilang ginabuhat ang earthquake drill subay sa direktiba sa Office of Civil Defense og ni Governor Steve Chiongbian Solon sa Sulong Kaligtasan program, apan first time mahitabo karong Pebrero 21 nga tulo (3) ka mga lugar ang dungan nga mahimong lokasyon sa earthquake drill, matigayon sa Alabel National High School, Alabel Public Market og sa Alabel Alliance School.
Samtang, nakatakda ang pagmuntar sa PDRRMO Sarangani og mga steel tsunami signage sa mga coastal barangay gikan sa Maitum paingon Glan, maoy mutultol sa mga residente kung asa muadto nga evacuation center og mga habog nga lugar ingkaso muabot ang tsunami human sa mga pagtay-og. Nataod na ang mga flooding og landslide signages lakip na ang mga siren, og kini na usab karon nga mga tsunami signages sa mga lugar nga may tendency nga maigog tsunami. May mga tsunami early warning system ng na-instolar sa kabaybayunan sa Sarangani Province.
Sa pikas nga bahin, good news tungod kay gawas sa itukod nga Regional Evacuation Center sa Kiamba para sa Maasim, Kiamba og Maitum nibalor og P35 Milyon ka pesos, may ibutang napud nga susamang Regional Evacuation Center maka-benipisyo ang taga-Alabel, Malapatan, Glan og Malungon.
