Laing kalampusan ug kadaugan na usab sa mga Sarangan human nihakot og baynte-tres (23) ka mga regional award ang provincial ug municipal health offices and hospital sa Sarangani Province gikan sa Department of Health.
Nahitabo ang awarding niaging lang adlaw nga Byernes sulod sa Greanleaf Hotel atol sa 2019 DOH Annual Regional/Mega Awards Ceremony, kauban sila DOH Assistant Secretary for Visayas and Mindanao Doctor Abdullah Dumama ug DOH Regional Director Aristides Tan.
Kauban si Maitum Mayor Bryan Reganit, gidawat sa Maitum Municipal Health Office ang mga award sa paspas nga pag-monitor ug pagpadangat sa health services panahon sa emerhensya ug disaster, kini mao ang Best Quality in Field Health Services Information System (FHSIS) Reporting ug Best Performance Recognition in Health Emergency Management System (HEMS), apil na ang Sandugo Award isip usa sa top performing municipalities sa blood donation program. Nakadawat pag pasidungog si Maitum Municipal Health Officer Doctora Junie Basmilio sa Bridging Leadership Award.
Kuyog usab si Maasim Mayor Zyrex Pacquiao, naangkon sa Maasim Municipal Health Office ang Purple Ribbon Award maayong nagpatuman sa reproductive health/family planning program ug ang award sa Immunization Accomplishment tungod sa maayong programa sa pagbakuna sa mga kabataan.
Samtang, nabatunan sa Alabel Municipal Health Office ang Sandugo Award, Best Performance Recognition in Health Emergency Management System, ug award sa pagpatuman sa Philippine Integrated Disease Surveillance and Response (PIDSR) mapakgang ang mga sakit. Hall of Famer na ang Alabel sa Red Orchid Award tungod sa hugot nga pagpatuman sa “No Smoking” policy.
Ang Malungon Municipal Health Office ang anaa sa ikaduha katuig karon nga nakaangkon sa maong Red Orchid Award, natagaan pud silag award nga Best Performance Recognition in Health Emergency Management System.
Ang Kiamba ang nakakuha sa Sandugo Award ug Best Performance Recognition in Health Emergency Management System.
Ang Malapatan nakabaton sa mga award nga Manuel L. Quezon Award sa pagpatuman og mga maayong programa malabanan ang sakit nga tuberculosis, naka-award pud silag Best Performance Recognition in Health Emergency Management System. Sila usab ang gipasidunggan sa Orally Fit Community Award tungod sa maayong dental program, samtang ang Malinawon Day Care Center sa Lun Padidu, Malapatan ang gideklara nga Orally Fit Day Care Center.
Gideklara nga kampyon ang mga barangay health workers sa Sarangani sa entiro Region 12. Nakadawat pa ang Sarangani Provincial Health Office sa Purple Ribbon Award, Sandugo Award, mga award sa maayong programa nga mabatukan ang sakit nga Malaria ug Filariasis, award sa zero-open defecation, ug award para sa Glan Municipal Hospital nga Most Outstanding Hospital Epidemiology and Surveillance Unit.
Walay laing nalitok nga pulong si Sarangani Provincial Health Officer Doctor Arvin Alejandro kundili pasalamatan ang suporta sa katawhan ug ang direksyon ni Governor Steve Chiongbian Solon sa Sulong Kalusugan program kauban ang pito (7) ka mga mayor, Sangguniang Panlalawigan, barangay kapitanes ug uban pang municipal-barangay-purok-sityo officials, sa pagsuporta nila Senador Manny ug Congressman Ruel Pacquiao ug sa mga partner NGO.
Fifty Thousand Pesos (P50K) ang insentibo gihatag sa DOH para sa nakadawat sa award nga Best Performance Recognition in Health Emergency Management System, One Hundred Twenty Thousand Pesos (P120K) sa mga BHW, One Hundred Thousand Pesos (P100K) para sa Purple Ribbon Award, ug uban pang cash incentives magamit kining tanang pondo sa padayong pag-training ug sa mga kagamitan pampalambo sa ilang kapasidad.
(Photo: Mr. Bong Yadao)
